Kyhyjé, mba’ére jakyhyjé?
Ñande pyta oryrýi ryrýi…!!
Ñande pyapý ipirî pirî
Ñane ñe’ê opa’â pa’â
Ñande ruguy ndosyrý porâi
Ñemondýi ñane’akâme ojupí
Ñande rová ambué sa’yjú yjú
Apyytu’û ndojerá porâi kyhyjè oimé
Mamoiténepa oime kyhyjé jaraité
Pejumína che irû ñañe’ê oñondivé
Jaheká jatopá kyhyjé jaraité
Ñande ári omoíva ipohýiva pyahê
Tavy…mboriahú…sarambí…jejopý
Ñande ári kyhyjé jaraité
Ndoipotái, ndoipotái hese’ŷ jaguatá
Ha’ekuérantesé yvaté oîmbá oîmbá
Kyhyjé jaraité ivirú kohetá, hetá
Imboká ko ipukú, omondá tuichá
Mboriahúgui oipe’á, ikorápe ombotý
Kyhyjé omoi, aníke aníke jahechá
Kyhyjé jaraité ñande yvy oipe’á, oipe’a
Pytaguápe ome’ê, ha`ekuéra omandá
Che ryvy, jamboyké kyhyjé, ta ñasé ipyguýgui
Ayvu tee jajapó, tâisasó mboriahú.
(Desde la cárcel de Tacumbú, Sindulfo Agüero, mayo de 2011)
